ليه تعملوا فى غزة كدا
ليه تتركوها للعدا
الدم م الأطفال بينزف
فى الصيف.. وفى برد الشتا
ليه تعملوا ف غزة كدا
*******
حرقوا الزيتون رمز السلام
هدموا البيوت … قتلوا اليمام
والقدس يصرخ ليه كدا
يامسلمين لبوا الندا
ليه تعملوا ف غزة كدا
*******
لازم نحرر أرضنا بالدم
لو عايزين سلام
والقوة لازمن ليها قوة
ترجع الحق اللي غام
وتعود ترفرف ف السما
من تاني أسراب الحمام
يامسلمين لبوا الندا
ليه تعملوا ف غزة كدا
*********
الصمت عمره ما جاب حلول
لبوا كلام طه الرسول
واتجمعوا الغين يزول
والنار تولع في العدا
ليه تعملوا ف غزة كدا
*******
فين الشهامة يامسلمين
غزة بتجأر بالأنين
ومفيش أسد يحمي العرين
لابد هنضيع كلنا
لازم بطل يوقف لهم
يصرخ يقول : دمي فدا
ليه تعملوا ف غزة كدا
ليه تعملوا ف غزة كدا.
حاتم عبدالهادي السيد
شمال سيناء- العريش_ مصر
عضو اتحاد كتاب مصر
ملحوظة: كلمات الأغنية مهداة لمن يلحنها ويغنيها فداء لفلسطين .. وما يحدث لأهل غزة الآن … اللهم انصر فلسطين.
أ.ش
